Ħarsa Ġenerali

L-iskema ta’ Boroż ta’ Studju fl-Edukazzjoni Terzjarja (TESS Tertiary Education Scholarships Scheme) hija maħsuba li tappoġġja edukazzjoni terzjarja ta’ kwalità fil-livelli 7 u 8 tal-QMK(Qafas Malti għall-Kwalifiki), u li tfittex li tipprovdi s-suq tax-xogħol Malti bil-individwi bil-ħilijiet li jkun hemm bżonn. L-iskema għandha l-għan li tappoġġja lil dawk li jsegwu din it-triq biex jirnexxu kemm fil-livell tal-kisba tal-edukazzjoni kif ukoll tikkontribwixxi b’mod effettiv lejn l-ekonomija.
L-edukazzjoni terzjarja tifforma parti dejjem aktar importanti mill-aġenda ekonomika u soċjali ta’ kwalunkwe pajjiż. Tipprovdi wkoll element ewlieni mill-iżvilupp professjonali kontinwu ta’ ħafna nies.
L-iskema ta’ Boroż ta’ Studju fl-Edukazzjoni Terzjarja, it-TESS li għandha l-għan li tindirizza l-għanijiet imsemmija hawn fuq, hija ffinanzjata mill-Ministeru għall-Edukazzjoni, l-Isport, Iż-Żgħażagħ, Ir-Riċerka u l-Innovazzjoni.