Ħarsa Ġenerali

L-għarfien tal-lingwa huwa importanti biex jiġi żgurat li l-forza tax-xogħol Maltija tkun reżiljenti, dinamika, u mgħammra b’ħiliet li jappoġġaw in-natura miftuħa tal-ekonomija Maltija. Il-Gvern ta’ Malta jirrikonoxxi l-benefiċċji numerużi miksuba miż- żgħażagħ li huma esposti għat-tagħlim ta’ lingwa barranija fil-pajjiż rispettiv. Għal dan il-għan, il-Ministeru għall-Edukazzjoni, l-Isport, Iż-Żgħażagħ, Ir-Riċerka u l-Innovazzjoni (MEYR), huwa impennjat li jipprovdi għajnuna finanzjarja liż-żgħażagħ biex jiżviluppaw l-orizzonti lingwistiċi u kulturali tagħhom billi jagħmlu taħriġ lingwistiku fil-pajjiż rispettiv.

L-għanijiet ewlenin ta’ din l-għotja huma li;

TIpprovdi liż-żgħażagħ bil-possibbiltà li jsegwu taħriġ fil-lingwa fil-pajjiż rispettiv,

• Tippromwovi l-apprezzament tal-lingwi barranin,
• Ittaffi n-nuqqasijiet fil-ħiliet fil-lingwi barranin,
• Tipprovdi opportunitajiet għat-titjib tal-ħiliet taż-żgħażagħ, u
• Ittejjeb il-kwalità u r-rilevanza tal-ħiliet skont ir-rekwiżiti tal-industrija.​