L-iskema ta’ boroż ta’ studju ENDEAVOUR II tappoġġja edukazzjoni terzjarja ta’ kwalità fil-livelli 7 u 8, biex tassigura li s-suq tax-xogħol Malti jkollu l-aħjar nies sabiex dan ikun f’pożizzjoni li jikkompeti f’livell internazzjonali. L-iskema għandha l-għan li tappoġġja lil dawk li jaqbdu din it-triq għax dawn jikkontribwixxu effettivament lill-ekonomija. L-edukazzjoni terzjarja hi ħafna importanti fl-aġenda ekonomika u soċjali ta’ kull pajjiż. Dan għaliex hija element ewlieni fl-iżvilupp professjonali kontinwu ta’ ħafna nies.

Din l-iskema, li għandha l-għan li tilħaqq l-oġġettivi msemmija hawn fuq, hija kkoffinanzjat mill-Unjoni Ewropea, Fond Soċjali Ewropew +

L-għanijiet ewlenin tal-iskema ta’ Boroż ta’ Studju ENDEAVOUR II huma li:

• Tassisti lin-nies sabiex isegwu aktar livelli ta’ riċerka akkademika;
• Iżżid il-ħiliet b’ mod partikolari fi ħdan is-setturi ekonomiċi ta’ prijorità;
• Tappoġġja aktar riċerka fix-xjenza, t-teknoloġija u proġetti sostenibbli; u
• Inżidu l-kapaċità u l-livell ta’ riċerka, innovazzjoni u żvilupp f ’Malta